Իրանի նախագահը հայտարարել է, որ երկրի մայրաքաղաքը Պարսից ծոցի տարածաշրջան տեղափոխելը այլևս ընտրության հարց չէ, այլ հրատապ անհրաժեշտություն։ Հորմոզգան նահանգում տեղի ունեցած տնտեսական ֆորումի ժամանակ ելույթ ունենալով՝ նախագահը անդրադարձել է կառավարական գործառույթները ափամերձ շրջաններ տեղափոխելու վերաբերյալ նախկին քննարկումներին և նշել, որ, չնայած սկզբնական առաջարկները քննադատության էին արժանացել, ներկա պայմաններում այդ գաղափարը դարձել է հրամայական։
Կառավարությունը պարտավորվել է օգտագործել բոլոր առկա ռեսուրսներն և լիազորությունները՝ նպաստելով տարածաշրջանային զարգացման նախաձեռնություններին։ Կառավարության ավելի լայն բարեփոխումներ ուրվագծելիս նախագահը շեշտել է դեպի ապակենտրոնացում հիմնարար փոփոխության անհրաժեշտությունը՝ նշելով, որ որոշումներ կայացնելու լիազորությունը պետք է բաշխվի տարածաշրջանային իշխանություններին, այլ չմնա կենտրոնացված ներկայիս մայրաքաղաքում։
«Կենտրոնացված այս մոդելը, երբ մայրաքաղաքում մի փոքր խումբ է որոշումներ կայացնում երկրի բազմազան շրջանների համար, այլևս կայուն չէ,- պնդել է նախագահը։- Կառավարման լիազորությունները պետք է փոխանցվեն կոնկրետ այն տարածաշրջաններին, որտեղ իրականում խնդիրներ են առաջանում՝ դրանով իսկ ապահովելով ավելի ճկուն և արդյունավետ կառավարում»։
